Terlebih dahulu, saya ingin memohon maaf kepada pembaca blog saya yang dikasihi kerana menulis nukilan hati ini di dalam bahasa ibunda saya. Saya tidak berniat sama sekali untuk bersifat kenegerian. Cuma rasa lebih selesa dan lebih berjaya mengungkapkan sesuatu sehingga sampai maksudnya dalam bahasa ibunda. Bak kata orang Kota Bharu, "I express myself better in Kelantanese". Tujuan saya menulis ini bukanlah untuk menunjukkan bangga diri atau takabbur atau riya', tetapi sebagai pembakar semangat semoga kita sama-sama mencintai Rasulullah. Perkataan kawe-demo yang saya gunakan adalah untuk menggambarkan perasaan "close" rapat seseorang kepada rakannya, bukannya untuk menunjukkan perasaan tidak hormat. Di dalam loghat kelantan, perkataan kawe-demo (berbanding perkataan aku-mung) adalah perkataan yang digunakan bilamana kita rasa hormat kepada kenalan yang kita kenal.
Nabi,
Lagumano rupo demo ye?
Kawe nok sangat tengok rupo demo...
Ore hok kawe baco sokmo kisoh hidup dia
Ore hok kawe tubik air mato sokmo dengar kisoh perjuange dio
Nabi,
Bestnyo kalu buleh hidup skali nge demo
Kawe akan jadi sahabat demo hok paling rapat
Kawe nok makey skali nge demo
kawe nok tido skali nge demo
kawe nok semaye skali nge demo
Kawe nok saing nge saing-saing demo
Nabi,
Kalu kawe ado maso demo di Thaif aritu...
Sekor-sekor kawe gi semelih sapo hok lempar batu ko demo
Kalu kawe ado maso demo nge Abu Bakar nok Hijrah aritu...
Kito gi skali...
Demo tok payoh doh nok nusut-nusut lagu tu
Sapo tokpuas hati, kawe gi sekeh palo dio
Dan kalu kawe adok maso di medan Uhud tuh
Maso set-set kapir dok sorok demo takdok doh
Maso tu jugok kawe gi tebah bate tekok sapo hok berani kato demo takdok doh
Nabi,
Kawe cintakan Palestin sebab demo cintakan Palestin
Kawe suko saing nge ore soleh sebab demo pun suko ko ore soleh
Kawe hormat ulama' sebab demo kato ulama' pewaris demo
Dan kawe berjue dalam gerakan Islam sebab demo kato kalu mati, syahid
Nabi,
Kawe benci ore hok perlekeh sunnah demo
Kawe benci ore hok benci gerakan Islam
Kawe benci ore hok kato demo tok cukur janggut sebab takdok pisau Gilette
Nabi,
Kawe raso bersalah sangat ko demo
Banyoknyo dosa kawe
Jauhnyo kawe nge sunnah demo
Kawe banyok dosa wahai Nabi
Nabi,
Susohnyo hidup zaman ni
Lamonyo nok kena hidup
60-70 tahun baru mati
Lemohnyo kawe wahai Nabi
Tok terdayo doh rasonyo
Nabi,
Kawe rindu ko demo
Lambatnyo baru buleh jupo demo
Rindunyo kawe........
No comments:
Post a Comment